මධ්යම අධිවේගී මාර්ග ව්යාපෘතියේ පළමු අදියර වන කඩවත – මීරිගම දක්වා කිලෝමීටර් 37ක මාර්ග කොටසෙහි ඉදිකිරීම් ප්රගතිය නිරීක්ෂණයට ප්රවාහන මහාමාර්ග නියෝජ්ය අමාත්ය ප්රසන්න ගුණසේන ඊයේ (07) පැමිණියා.
මේ වනවිට එම කොටසේ ඉදිකිරීම් කටයුතු 53% ඉක්මවා සිදුකර ඇති බවත්, මෙම ව්යාපෘතිය එළඹෙන 2028 වර්ෂයේදී සම්පූර්ණයෙන්ම අවසන් කළ හැකි බවයි ව්යාපෘතිභාර ඉංජිනේරුවරුන් මෙහිදී පවසා සිටියේ.
එමෙන්ම මෙම වසර අවසන්වීමට පෙර 65%ක ඉදිකිරීම් ප්රගතියක් ලබාගැනීමටත් 2027 වසර අවසන් වනවිට එම ප්රගතිය 95% දක්වා වර්ධනය කරගැනීමත් සැලසුම බවද ඔවුන් වැඩිදුරටත් සඳහන් කළා.
කොළඹ – කටුනායක අධිවේගී මාර්ගය, කොළඹ පිටත වටරවුම් මාර්ගය, දක්ෂිණ අධිවේගී මාර්ගය සඳහා ප්රවේශ විය හැකි කඩවත පද්ධති අන්තර් හුවමාරුවේ ඉදිකිරීම් පිළිබඳව සොයාබැලීම සඳහා ද නියෝජ්ය අමාත්යවරයා මෙහි දී එක් වුණා.
