2019 වසරේ මුහුදු මාර්ගයේ හෙරොයින් මත්ද්රව්ය කිලෝග්රෑම් 152 කට අධික ප්රමාණයක් ගෙන ඒම සහ ජාවාරම් කිරීමේ චෝදනාවන්ට වරදකරුවන් කළ පුද්ගලයන් පස්දෙනකුට කොළඹ මහාධිකරණය මරණීය දණ්ඩනය නියම කළා.
දීර්ඝ නඩු විභාගයකින් අනතුරුව කොළඹ මහාධිකරණ විනිසුරු නාමල් බලල්ලේ මහතා විසින් එම තීන්දුව ප්රකාශයට පත් කරනු ලැබුවා.
මේ අතර තියුණු ආයුධවලින් කපාකොටා පුද්ගලයකු ඝාතනය කිරීම සම්බන්ධයෙන් චෝදනා ලැබූ විත්තිකරුවන් අටදෙනෙකු වරදකරුවන් කරමින් කළුතර මහාධිකරණ විනිසුරු ප්රදීප් අබේරත්න මහතා විසින් අද (27) මරණ දඩුවම නියම කළා.
කළුතර, දකුණ කලිල් පෙදෙසේ පදිංචිව සිටි සෙයියර් මොහොමඩ් මොහොමඩ් ෆාරිස් නැමැත්තා 2003 වසරේ මාර්තු මස 24 දින හෝ ඊට ආසන්න දිනක තියුණු ආයුධවලින් පහරදී ඝාතනය කිරීම සම්බන්ධයෙන් සැකකරුවන් අටදෙනෙකුට එරෙහිව නීතිපතිවරයා විසින් මහාධිකරණය ඉදිරියේ අධිචෝදනා ගොනුකර තිබුණා.
කළුතර, මහ හීනටියංගල ප්රදේශයේ පදිංචි 46 හැව්රිදි මොහොමඩ් සෙයින් මොහොමඩ් හම්සා, 49 හැව්රිදි අබ්දුල් කරීම් මොහොමඩ් රවිස්දීන්, 59 හැව්රිදි මොහොමඩ් මව්ස් මොහොමඩ්, 45 හැව්රිදි මොහොමඩ් රියාස්ඩීන් මොහොමඩ් , 47 හැව්රිදි මොහොමඩ් ජිෆ්රි මොහොමඩ් ජින්නා, 43 හැව්රිදි මොහොමඩ් ජිෆ්රි මොහොමඩ් පිරිදව්ස්, 44 හැව්රිදි මොහොමඩ් සාහීර් මොහොමඩ් සියාම්, 45 හැව්රිදි මොහොමඩ් නිලාබ්දීන් මොහොමඩ් අජීල් යන අයට මෙලෙස මරණ දඩුවම් නියම කෙරුණා.
වසර 20 කට ආසන්න දීර්ඝ නඩු විභාගයකින් පසු මෙම නඩු තීන්දුව ප්රකාශයට පත්කරනු ලැබුවා.
