මෙරට සාමාන්ය ජනතාවගේ වියදම් කිරීමේ හැකියාවට දරාගත නොහැකි ආකාරයෙන් මේවන විට දුම්වැටි සහ මත්පැන් මිල ඉහළ නංවා ඇතැයි මුදල් රාජ්ය අමාත්ය රංජිත් සියඹලාපිටිය මහතා පවසනවා.
ඔහු පෙන්වා දුන්නේ අනෙකුත් භාණ්ඩවලට සාපේක්ෂව මත්පැන් සහ දුම්වැටි වෙනුවෙන් රජය මේවන විට උපරිම බද්දක් අය කරමින් පවතින බවයි.
එබැවින් මත්පැන් සහ දුම්වැටි අලෙවිය සියයට 30ත් 40ත් අතර ප්රමාණයකින් අඩු වී ඇති බවයි මුදල් රාජ්ය අමාත්යවරයා ප්රකාශ කළේ.
බදු ඉහළ යාම හමුවේ අඩු ආදායම් ලාභීන්ගේ ක්රය ශක්තිය නොහොත් මිලදී ගැනීමේ හැකියාව අඩු වී ඇති බැවින් මත්පැන් දුම්වැටි මිලදී ගැනීමේ ප්රමාණය අඩු වී ඇති බවට අනාවරණ වී තිබෙනවා.
එම පිරිස නීත්යානුකූල නොවන මත්පැන්වලට යොමුවන්නේ ද යන්න සම්බන්ධයෙන් නව ගැටලුවක් ද මේ වන විට නිර්මාණය වී ඇති බවයි රංජිත් සියඹලාපිටිය මහතා සඳහන් කළේ.
එවැනි තත්ත්වයක් මත මත්පැන් දුම්වැටි බදු තවදුරටත් වැඩි කරන ලෙසට විපක්ෂ නායක සජිත් ප්රේමදාස පාර්ලිමේන්තුවේද’ී ප්රකාශ කළ අතර ඒ සම්බන්ධයෙන් ඔහුට පැහැදිළි පිළිතුරක් ලබාදුන් බව මුදල් රාජ්ය අමාත්යවරයා කියාසිටියා.
රජයේ ඉලක්කය වී ඇත්තේ මෙම වසර අවසානය වන විට තනි ඉලක්කමකට උද්ධමනය රැගෙන ඒම වන අතර විපක්ෂ නායකවරයාගේ සමීකරණයට පිළිතුරක් ඉදිරි පාර්ලිමේන්තුවට ලබාදීමට බලාපොරොත්තුවන බවයි ඔහු සඳහන් කළේ.
රජය උත්සාහ කරමින් සිටින්නේ පොදුවේ උද්ධමනය පහළ අගයකට රැගෙන ඒම වන අතර ජාත්යන්තර මූල්ය අරමුදල සමග ද එකඟ වී ඇත්තේ වසර අවසානය වන විට උද්ධමනය තනි ඉලක්කමකට රැගෙන ඒම බව අමාත්යවරයා පෙන්වා දෙනවා.
විපක්ෂ නායකවරයා ප්රකාශ කරන ආකාරයට බදු ඉහළ නැංවුවහොත් දෙසැම්බර් මාසය පමණ වන විට විශාල වශයෙන් දුම්වැටි මත්පැන් මිල පහළ දැමීමට සිදුවනු ඇතැයි මුදල් රාජ්ය අමාත්යවරයා ප්රකාශ කළා.
එබැවින් මේ සම්බන්ධයෙන් පිළිතුරක් ඉදිරි පාර්ලිමේන්තු සැසිවාරයකදී ලබාදෙන බවයි ඔහු කියාසිටියේ.
