මෙරට මත්පැන් පානය කරන පුද්ගලයන්ගේ අඩුවීමක් පෙන්නුම් කරන බව සුරාබදු දෙපාර්තමේන්තුව පවසනවා.
කොවිඩ් මර්දන එන්නත්කරණ වැඩසටහනට ජනතාවගේ ඇති උනන්දුව ද මැත්පැන් පරිභෝජනය අඩුවීමට හේතුවී ඇතැයි නියෝජ්‍ය සුරාබදු කොමසාරිස් කපිල කුමාරසිංහ පැවසුවේ.
ආනයන සීමා පැනවීම හේතුවෙන් විදෙස් මත්පැන්වල මිල ඉහළ යා හැකි බව ද මෙහිදී ප්‍රකාශ කෙරුණා.
ආර්ථිකමය වශයෙන් පොදුවේ ජනතාවට ඇති අගහිගකම් මෙයට ප්‍රධාන වශයෙන් හේතු වී ඇති අතර සමහර පිරිස් නීතිවිරෝධී මත්පැන් හා මත්ද්‍රව්‍යවලට පෙළඹීම, මත්පැන්වලින් ප්‍රතිශක්තිය අඩු වේ යැයි පැවසෙන මතය හා වැඩි වේලාවක් රැඳී සිටිමින් මත්පැන් පානය කළ හැකි අවන්හල්, තානායම් හා හෝටල් තවමත් විවෘත නොවීම යන ආදී හේතුද මත්පැන් පානය අඩු වීමට බලපා ඇති බව පෙනේ.
