මත්පැන් මිල ගණන් සංශෝධනය කළ බව ඩිස්ටිලරීස් සමාගම (Distilleries Company of Sri Lanka PLC) පවසනවා.
මෙම මිල ඉහළ දැමීම 2024 ජනවාරි පළමු වනදා සිට ක්‍රියාත්මක අතර වැට් වැඩිවීම මත මිල ගණන් සංශෝධනය කර ඇති බවයි එම සමාගම සඳහන් කළේ.
මිල සංශෝධනය අනුව මිලිලීටර් 750 මත්පැන් බෝතලයක මිල ඉහළ නංවා ඇත්තේ රුපියල් 90කින්.
මිලිලීටර් 375 මත්පැන් බෝතලයක මිල රුපියල් 50කින් ඉහළ නංවා තිබෙනවා.
මිලිලීටර් 180 මත්පැන් බෝතලයක මිල රුපියල් 20කින් මිල ඉහළ නංවා ඇති බවයි ඩිස්ටිලරීස් සමාගම ප්‍රකාශ කළේ.
එතනෝල්, හිස් මත්පැන් බෝතල්, මත්පැන් ලේබල, මූඩිය සහ නිෂ්පාදන කරන ලද මත්පැන් සහිත බෝතලයට වැට් බදු එකතු වීම හේතුවෙන් මෙම මිල සංශෝධනය සිදුවන බවයි එම සමාගම ප්‍රකාශ කළේ.
නව මිල ගණන් අනුව දැනට රුපියල් 3260කට අලෙවි කෙරෙන අතිවිශේෂ වර්ගයේ (ගල්) අරක්කු බෝතලයක මිල රුපියල් 3350ක් වනු ඇති.
මෙම වසර තුළ අවස්ථා දෙකක දී සුරාබදු ආදායම් ඉහළ නංවා ගැනීමේ අරමුණින් මත්පැන්වල මිල ඉහළ දැමීමට ද රජය කටයුතු කළා.
