වෙළෙඳපොළ තුළ ඇති නීතිවිරෝධි මත්පැන් බෝතල් හඳුනාගැනීම සඳහා හඳුන්වාදුන් යෙදවුම අද (01) දිනයේ සිට ක්‍රියාත්මක බව සුරාබදු දෙපාර්තමේන්තුව සඳහන් කරනවා.
“EXCISE TAX STAMP VALIDATOR” නැමැති මෙම යෙදවුම ඇන්ඩ්‍රොයිඩ් සහ ඇපල් දුරකථන සඳහා භාගත කර ගැනීමේ අවස්ථාව මේ වනවිටත් පාරිභෝගිකයින් වෙත සලසා දී ඇති බවයි එම දෙපාර්තමේන්තුව වැඩි දුරටත් සඳහන් කළේ.
අදාළ යෙදවුම හරහා ස්මාර්ට් ජංගම දුරකථනයකින් මත්පැන් බෝතලයේ ඇති ආරක්ෂක ස්ටිකරයේ QR කේතය ස්කෑන් කළ හැකි අතර, එම ක්‍රියාවලිය හරහා අදාළ මත්පැන් බෝතලයේ අවශ්‍ය තොරතුරු ලබා ගැනීමේ හැකියාව පවතිනවා.
එසේ සිදුකරනු ලබන ස්කෑන් කිරීමේ දී එය ප්‍රතික්ෂේප වුවහොත් එම අවස්ථාවේදීම යෙදවුමක් මඟින් පැමිණිලි කළහැකි අතර ක්ෂණිකව නීතිය ක්‍රියාත්මක කිරීමට කටයුතු කරන බව ද සුරාබදු දෙපාර්තමේන්තුව දන්වා සිටියා.
මේකත් තෙල් වගේ සීමාකරලා දුන්නොත් හොදයි. QR එකක් දාලා…
mamam baluva eth ekakkvath ehema nehene