තමන් මත්ද්රව්ය ජාවාරම්කරුවෙක් බවට හැඟවෙන ව්යාජ පෝස්ට් සමාජ මාධ්යයේ ප්රචාරය කිරීම පිළිබඳව නීතිමය ක්රියාමාර්ග ගන්නා ලෙස ඉල්ලමින් ජාතික ජන බලවේගයේ ගම්පහ දිස්ත්රික් පාර්ලිමේන්තු මන්ත්රී චමින්ද ලලිත් කුමාර මීරිගම පොලිසියට පැමිණිල්ලක් ඉදිරිපත් කළා.
මත්ද්රව්ය සම්බන්ධයෙන් හෝ එවැනි ජාවාරම්කරුවන් රැක ගැනීම පිළිබඳව තමන් හෝ තම කාර්ය මණ්ඩලයේ කිසිවෙක් කිසිදු සම්බන්ධයක් නැති අතර කිසියම් සිදුවීමක් දඩමීමක් කරගනිමින් දේශපාලනිකව තමන්ට එරෙහිව පෙරේදා (09) දිනයේ සිට සමාජ මාධ්යයේ මෙසේ සාවද්ය ප්රචාර ඇති බව දැනගන්නට ලැබුණු බවත් තමන් කිසිසේත්ම එවැනි ක්රියා සඳහා දායකත්වයක් දක්වා නැති පුද්ගලයෙක් වීම හේතුවෙන් මෙසේ අසත්ය ප්රචාරය කළ සහ කරන පුද්ගලයින් පිළිබඳව සොයා බලා නිසි පියවර ගන්නා ලෙස පොලිසියට පැමිණිල්ලක් කරමින් තමන් ඉල්ලා සිටි බව මාධ්යයට කරුණු දැක්වූ පාර්ලිමේන්තු මන්ත්රීවරයා සඳහන් කරනු ලැබුවා.
එමෙන්ම මෙම පුවත් පලකර ඇත්තේ කිසියම් දේශපාලන පක්ෂවල උවමනාවන් ඉෂ්ට වනසේ විවිධ පුද්ගලයින්ගේ ගිණුම් සහ ව්යාජ ගිණුම් ඔස්සේ බව මේ වන විට හෙළි වී ඇතැයි ද මන්ත්රීවරයා සඳහන් කළා.
wpDiscuz
