බලංගොඩ සිට මහනුවර දක්වා අද (30) උදෑසන ධාවනය වූ ලංගම බස් රථය ලක්වන්නට ගිය අනතුරක් එහි රියදුරුගේ සුපරීක්ෂාකාරී රිය ධාවනය නිසා වළක්වා ගැනීමට හැකිව තිබෙනවා.
අද (30) උදෑසන 6.50ට බලංගොඩ නගරයෙන් මහනුවර බලා ගමන් අරඹා ඇති මෙම බස් රථයේ පසුපස ටයර් සවිකර ඇති සියලුම ඇණ බුරුල් වී ගැලවීමට ආසන්නව තිබූ බවයි වාර්තා වන්නේ.
ඇහැළියගොඩ ප්රදේශය පසුකරනවාත් සමඟ මේ පිළිබඳව දැනගත් බස් රථයේ රියදුරුවරයා වහාම රථය ආරක්ෂාකාරී ලෙස නවතා ගැනීමට හැකිව තිබෙනවා.
පසුව පරික්ෂාකර බැලීමේ දී නිරීක්ෂණය වී ඇත්තේ බස් රථයේ පසුපස රෝද යුගලයේම සවිකර තිබූ ඇණ බුරුල් වී ගැලවී යාමට ඉතා ආසන්නව පැවති බවයි.
මෙම අවස්ථාවේ දී බස් රථය තුළ මගීන් 100කට ආසන්න පිරිසක් ගමන් කරමින් සිට ඇති බවයි වාර්තා වුණේ.
