Adani සමූහ ව්‍යාපාරයේ සභාපති ගෞතම් අදානි භූතාන අගමැති Tshering Tobgay හමු වී චුකා පළාතේ MW 570ක ජල විදුලි බලාගාරයක් සඳහා එරට Druk Green Power Corporation සමඟ අවබෝධතා ගිවිසුමක් අත්සන් කර තිබෙනවා.
තව ද, එරට රජුගේ දැක්ම යටතේ යටිතල පහසුකම් සංවර්ධනය කිරීමට භූතානය දරන උත්සාහය අගය කළ ඔහු භූතානයේ ජල හා අනෙකුත් ව්‍යාපෘති සඳහා සහයෝගයෙන් කටයුතු කිරීමට කැමැත්ත පළ කළා.
X සටහනක් තබමින් ගෞතම් අදානි පැවසුවේ, භූතානයේ ගරු අග්‍රාමාත්‍ය Dasho Tshering Tobgay සමඟ අතිශයින් ආකර්ෂණීය හමුවීමක් පැවති බවයි.
“චුකා පළාතේ මෙගාවොට් 570ක හරිත ජල විදුලි බලාගාරයක් සඳහා DGPC සමඟ අවබෝධතා ගිවිසුමක් අත්සන් කරන ලදී. භූතාන රජතුමාගේ දැක්ම ඉදිරියට ගෙන යාම සහ රාජධානිය පුරා පුළුල් පරාසයක යටිතල පහසුකම් මුලපිරීම් අනුගමනය කිරීම ප්‍රශංසනීයයි. භූතානයේ ජල හා අනෙකුත් යටිතල පහසුකම් සඳහා සමීපව කටයුතු කිරීමට බලාපොරොත්තු වෙනවා.”
අදානිගේ X සටහනේ වැඩිදුරටත් සඳහන් වුණා.
ගෞතම් අදානි සිය සංචාරයේ දී භූතාන රජු Jigme Khesar Namgyel Wangchuck ද හමු වී තිබෙනවා.
“පරිවර්තනීය මුලපිරීම් සඳහා සහ කාබන් ඍණාත්මක ජාතියක් සඳහා හරිත බලශක්ති කළමනාකරණය සඳහා සහයෝගයෙන් කටයුතු කිරීමට ලැබීම සතුටට කරුණකි!,” ඔහු සිය X ගිණුමේ සඳහන් කර තිබුණා.
