හබරාදූව පොලිස් වසමේ කොක්වත්ත ප්‍රදේශයේ කාන්තාවන් දෙදෙනෙකුට අකුණුසැර වැදීමෙන් මීපේ රෝහලට ඇතුළත් කිරීමෙන් පසු එක් කාන්තාවක් මියගොස් තිබෙනවා.
අද (03) අලුයම් කාලයේ මෙලෙස මියගොස් ඇත්තේ හබරාදූව, කොක්වත්ත ප්‍රදේශයේ පදිංචිව සිටි වයස අවුරුදු 26ක කාන්තාවක්.
මෙම කාන්තාවන් දෙදෙනා ප්‍රදේශයේ ඇති ඇඟළුම් කම්හලක සේවය කරන අයවලුන් බවත් ඔවුන් නේවාසිකව සිටින ස්ථානයේ රැඳී සිටියදී නිවසට අද (03) අලුයම පැවති අයහපත් කාලගුණ තත්ත්වයත් සමඟ අකුණු සැර වැදීමෙන් මෙම අනතුරට මුහුණපා තිබෙනවා.
අනතුරට පත් අනෙක් කාන්තාව වැඩිදුර ප්‍රථිකාර සඳහා කරාපිටිය රෝහලට ඇතුළත් කර ඇති අතර හබරාදූව පොලිසිය විසින් වැඩිදුර විමර්ශන සිදුකරනු ලබනවා.
