නීතිවිරෝධී ලෙස බෝට්ටුවකින් ඉන්දියාවේ ධනුෂ්කොඩි වෙත පැමිණි ශ්‍රී ලාංකිකයින් දෙදෙනෙකු ඉන්දීය වෙරළ පොලිසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගැනුණු සක්කරුඅන් දෙදෙනා ගම්පහ සහ වත්තල ප්‍රදේශවල පදිංචිකරුවන් වන අතර, මොවුන් දෙදෙනාට එරෙහිව ශ්‍රී ලංකාව තුළ මත්ද්‍රව්‍ය සම්බන්ධ නඩු තුනක් ද ගොනු ඇති බවට තොරතුරු වාර්තා වනවා.
පසුගිය 23 වෙනිදා මන්නාරම – පේසාලේ ප්‍රදේශයේ සිට මුහුදු මාර්ගයෙන් ඉන්දියාව බලා ගොස් ඇති අතර ඔවුන් ඊයේ (24) අලුයම
ධනුෂ්කෝඩි වෙරළට පැමිණ ඇති බවයි වාර්තා වන්නේ.
සතියක් ඇතුළත ඔවුන් නැවත මොවුන්ව මෙරටට ගෙන්වා ගැනීමට අපේක්ෂා කෙරෙන බව සඳහන්.
මේ අතර ඔවුන් දෙදෙනා ඉන්දියාවට පැමිණිබෝට්ටුව, ඔවුන් පැමිණි මාර්ගය සහ ඉන්දීය වෙරළට ළඟා වීමට කිසිවෙකු ඔවුන්ට උදව් කළේද යන්න පිළිබඳව ද එරට පොලිසිය විමර්ශන අරඹා ඇති බවයි වාර්තා වුණේ.
