බෙහෙත් පෙති දෙකක් උගුරේ සිරවී සිසුවියක් ජීවිතක්ෂයට

බලපිටිය, මරදාන ප්‍රදේශයේ පාසල් සිසුවියක් බෙහෙත් පෙති දෙකක් උගුරේ සිරවීමෙන් අවාසනාවන්ත ලෙස ජීවිතක්ෂයට පත්ව ඇති බව වාර්තා වනවා.

අදාළ සිසුවිය බලපිටිය මූලික රෝහලේ දැඩිසත්කාර ඒකකයේ ප්‍රතිකාර ලබමින් සිටිය දී අද (10) මෙලෙස ජීවිතක්ෂයට පත්ව ඇති බවයි තොරතරු වාර්තා වන්නේ.

මෙලෙස අවාසනාවන්ත ලෙස ජීවිතක්ෂයට පත්ව ඇත්තේ බලපිටිය රේවත විද්‍යාලයේ ඉගෙනුම ලබමින් සිටි වයස අවුරුදු 13ක සිසුවියක්.

මෙම සිද්ධිය සම්බන්ධයෙන් අහුංගල්ල පොලිසිය වැඩිදුර විමර්ශන සිදුකරනු ලබනවා.