කොළඹ ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලනට එරෙහිව අද දිනයේ විනය පරීක්ෂණයක් සෞඛ්‍ය අමාත්‍යාංශයෙන් ඉල්ලීමට බලාපොරොත්තු වන බව සෞඛ්‍ය වෘත්තීය සමිති සන්ධානය පවසනවා.
සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් අද (19) දහවල් මාධ්‍ය වෙත අදහස් දක්වමින් මේ බව සඳහන් කර සිටියා.
ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලනගේ ඇතැම් ප්‍රකාශයන් සෞඛ්‍ය සේවාවේ නොසන්සුන් තත්ත්වයක් ඇතිවීමට හේතු වී ඇති බවයි සභාපති රවී කුමුදේශ් සඳහන් කළේ.
ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලනව එම රෝහලෙන් ඉවත්කරන ලෙස දන්වමින් ජාතික රෝහලේ සෞඛ්‍ය සේවකයින් දෙදහසකට වැඩි පිරිසකගේ අත්සන් ලේඛනයක් අද වනවිට භාර දී ඇති බව ද සභාපතිවරයා වැඩිදුරටත් පැවසුවා.
