2026 FIFA ලෝක කුසලාන පාපන්දු තරාවලියේ අවසන් පූර්ව වටයට පිවිසීමට ප්රබල ස්පාඤ්ඤ කණ්ඩායමට ඊයේ හැකියාව ලැබුණා.
ඒ, බෙල්ජියම සමඟ පැවති තරගය ගෝල දෙකට එකක් ලෙස ජය හිමිකර ගනිමින්.
ඇමරිකාවේ ලොස්ඇන්ජලීස් හි සොෆී ක්රීඩාංගණයේ දී පැවති මෙම තරගය ජයගත් ස්පාඤ්ඤ ලබන අඟහරුවාදා පැවැත්වෙන අවසන් පූර්ව තරඟයේදී ප්රංශ කණ්ඩායම මුණගැසීමට සූදානමින් සිටිනවා.
ඊයේ තරගයේ 30 වන මිනිත්තුවේ දී පළමු ගෝලය වාර්තා කළ ස්පාඤ්ඤ තරගයේ අදිපත්ය සියතට ගැනීමට සමත් වුණා.
කෙසේ වෙතත් ස්පාඤ්ඤ එම ගෝලය වාර්තා කළ වැඩි වේලාවක් යන්නට මත්තෙන් බෙල්ජියම තරගයේ 41 වන මිනිත්තුවේ දී ගෝලයක් රැස්කරගෙන පළමු අර්ධය ගෝල එකට එකල ලෙස සම තත්ත්වයෙන් අවසන් කළා.
දෙවන භාගයේ දී දෙපිළම ආක්රමණශීලී තෑග රටාවන් දියත් කළ අතර, තරගයේ නියමිත කාලය ආසන්නය දක්වා දෙපිළටම ගෝල රැස් කිරීමට හැකියාව ලැබුනේ නැහැ.
කෙසේ වෙතත් බෙල්ජියම කණ්ඩායමේ ආදේශ ගෝල රකින්නා වන සෙනේ ලැමෙන්ස් අතින් සිදු වූ සුළු වරදෙන් උපරිම ප්රයෝජනය ගත් ආදේශක ක්රීඩකයා ලෙස ස්පාඤ්ඤ කණ්ඩායමට එක්කළ මයිකල් මෙරිනෝ තරගයේ 88 වන මිනිත්තුවේ දී දෙවන ගෝලය වාර්තා කරමින් ස්පාඤ්ඤ කණ්ඩායමේ ජයග්රහණය තහවුරු කළා.
ඒ, අනුව ස්පාඤ්ඤ කණ්ඩායම ඔවුන්ගේ දෙවන ලෝක කුසලාන අවසන් පූර්ව තරගය වෙනුවෙන් සුදුකම් ලැබුවා.
ස්පාඤ්ඤය ක්රීඩක මයිකල් මෙරිනෝ වාර්තා කළ තීරණාත්මක දෙවන ගෝලය පහතින් නරඹන්න..
