චීනයේ ෂැංහයි නගරයට ‘බෙබින්කා’ (Bebinca) සුළි කුණාටුව කඩා වැදී පුද්ගලයින් ලක්ෂ 04කට වැඩි පිරිසක් අවතැන් කර තිබෙනවා.
cbs පුවත් සේවය වාර්තා කළේ; මේ වනවිට (17) බලපෑ ඇති සුළි කුණාටුව වර්ෂ 1949න් පසුව චීනයේ ෂැංහයි පළාතට බලපෑ ප්ර්රබලතම සුළි කුණාටුව බවයි.
මෙම කුණාටුවෙන් විශාල ගස්වල අතු කඩාගෙන වැටී මාර්ග අවහිර වී ඇති අතර එහෙයින් විදුලිය ද ඇනහිට තිබෙනවා.
මාර්ග ජලයෙන් යට වී ගංවතුර තත්ත්වයක් ද හටගෙන ඇති බවයි වාර්තා වන්නේ.
බෙබින්කා සුළි කුණාටුව ෂැංහයි වෙත ඇතුල්වීමට පෙර ආපදා කළමනාකරණ මධ්යස්ථානය විසින් එම පළාතේ පවුල් 414,000ක් සම්පූර්ණයෙන් ම ඉවත් කර ඇති අතර විදුලිය විසන්ධි වීමට බලපෑ අතු කඩන් වැටීමෙන් එක් පුද්ගලයෙකු තුවාල ලබා ඇති බව ද චීන මාධ්ය පවසනවා.
බෙබින්කා සුළි කුණාටුව හේතුවෙන් ෂැංහයි පළාතේ සියලු පාසල් වසා දමා ඇති බවත් ජනතාවට නිවෙස් තුළ ම රැඳී සිටින ලෙසට උපදෙස් ලබා දී ඇති බවයි වාර්තා වන්නේ.
බෙබින්කා සුළි කුණාටුව පෙරවරු 7:30ට පමණ පැයට සැතපුම් 94ක වේගයෙන් පුඩොං දිස්ත්රික්කයට කඩා වැදුණා.
