එංගලන්ත ටෙස්ට් ක්‍රිකට් කණ්ඩායමේ නායක බෙන් ස්ටොක්ස්ගේ නිවසෙහි සොරකමක් සිදුව තිබෙනවා.
විදෙස් මාධ්‍ය වාර්තා කරන්නේ ස්ටොක්ස් මේ දිනවල පාකිස්තාන ටෙස්ට් සංචාරයේ නිරත වන බැවින් ඔහු එංගලන්තයේ නොමැති අතරතුරේ දී මෙම සොරකම සිදු කර ඇති බවත් තමන්ට සහ පවුලට අතිශයින්ම වටිනාකමක් ඇති දෑ සොරුන් විසින් රැගෙන ගොස් ඇති බවත් ස්ටොක්ස් සිය ඉන්ස්ටර්ග්‍රෑම් පිටුවෙහි සටහනක් තබමින් කියා සිටිනවා.
ස්ටොක්ස් පවසන්නේ මෙම සිදුවීමේ වඩාත් බැරෑරුම් ම සිදුවීම නම් තම බිරිඳ සහ දරුවන් පමණක් සිටින අවස්ථාවේදී අදාළ සොරකම සිදු ව තිබීම බවයි.
තම පවුලේ උදවියට හානියක් සිදු නොවුණ ද; සොරකම් කරන ලද වටිනා භාණ්ඩ යළිත් ලබාගත නොහැකි බවත් තමන් හට එම භාණ්ඩ යළිත් ගෙනැවිත් දෙන ලෙසත් ඔහු ඉල්ලා සිටිනවා.
මෙම සිදුවීම සිදු ව ඇත්තේ එංගලන්තයේ ඊසානදිග කාසල් ඊඩ්න් ප්‍රදේශයේ පිහිටි ඔහුගේ නිවසේදියි.
සොරුන් ස්වර්ණාභරණ, වටිනා පෞරාණික භාණ්ඩ රැසක් සොරාගෙන ගොස් තිබෙනවා.
