බෙන්තර ගගේ සංචාරක බෝට්ටු දෙකක් ඊයේ (22) රාත්රියේ එකිනෙකට මුහුණට මුහුණ ගැටී සිදු වූ අනතුරකින් පුද්ගලයන් දෙදෙනකු අතුරුදන්ව ඇති බව අලුත්ගම පොලිසිය පවසනවා.
අප ප්රාදේශීය වාර්තාකරු පැවසුවේ; අලුත්ගම ප්රදේශයේ සංචාරක හෝටලයක සේවය නිමවා පිරිසක් රැගෙන ගමන් කළ බෝට්ටුවක් සහ බෙන්තර පොලිස් බල ප්රදේශයේ පිහිටි සංචාරක බෝට්ටුවක් මෙලෙස මුහුණට මුහුණ ගැටී ඇති බවයි.
මෙසේ අතුරුදන්ව ඇත්තේ බෙන්තර ප්රදේශයේ සංචාරක හෝටලයකින් පැමිණි බෝට්ටුවේ දෙදෙනකු බවත් කිසිවෙකුගේ අනන්යතාව මෙතෙක් හෙළි ව නොමැති බවත් පැවසෙනවා.
බෙන්තර අගමැති බංගලාව ආසන්නයේ පිහිටි සංචාරක හෝටලයක් ඉදිරිපිට අනතුර සිදු ව තිබෙනවා.
හෝටලයේ බෝට්ටු සහ අවට පිහිටි ජල ක්රීඩා සංගම්වල බෝට්ටු ආධාරයෙන් අතුරුදන් වූ දෙදෙනා සොයා මේ වනවිට විමර්ශන සිදු කරන බවත් නාවික හමුදාවේ සහාය ද ලබා ගැනීමට බලාපොරොත්තු වන බවත් වාර්තා වනවා.
