දරුණු ගනයේ සංවිධානාත්මක අපරාධකරුවන් රඳවා සිටින බූස්ස අධිආරක්ෂක බන්ධනාගාරයේ විශේෂ අංශයේ ඒ වාට්ටුවේ සවිකර තිබූ ආරක්ෂිත කැමරා (සී.සී.ටී.වී) 23කට හානි සිදුකර ඇති බව වාර්තා වනවා.
ඇඹිලිපිටිය බන්ධනාගාරයේ සිට බූස්ස බන්ධනාගාරය වෙත රැගෙන ආ රැඳවියෙකු විසින් මෙම ආරක්ෂිත කැමරා කඩාබිඳ දමා ඇති බවයි බන්ධනාගාර ආරංචි මාර්ග සඳහන් කළේ.
මෙම රැඳවියා මීට පෙර ද කළහකාරී ලෙස හැසීරීම හේතුවෙන් විවිධ බන්ධනාගාරයන් තුළ රඳවා ඇති අතර, පොදු දේපළවලට අලාභහානි සිදුකිරීම සම්බන්ධයෙන් ඔහුට එරෙහිව අධිකරණයේ නඩුවක් ද පවතින බවයි වාර්තා වුණේ.
මෙම ක්රියාව යම්කිසි සිදුවීමකට පෙර සූදානමක් බවට සැකකරන අතර, මේ සම්බන්ධයෙන් බන්ධනාගාර කොමසාරිස් තුෂාර උපුල්දෙනියගේ උපදෙස් මත විශේෂ විමර්ශනයක් සිදුකරනු ලබනවා.
