මොණරාගල බුදුරුවගල මහා විද්යාලයේ සිසු දරුවන්ට ජනාධිපති රනිල් වික්රමසිංහ විසින් ලබාදුන් පොරොන්දුව ඉටු කරමින් සංගීත භාණ්ඩ තොගයක් එම පාසල වෙත ප්රදානය කිරීම ලබන 09 වනදා සිදුකරන බව ජනාධිපති මාධ්ය අංශය දැනුම් දෙනවා.
පසුගිය නොවැම්බර් 03 වනදා ජනාධිපතිවරයා රැගත් හෙලිකොප්ටර් යානය අයහපත් කාලගුණ තත්ත්වය හේතුවෙන් මොණරාගල බුදුරුවගල මහා විද්යාල ක්රීඩාංගනයට හදිසියේ ගොඩ බැස්ස වූ අවස්ථාවේ දී සිසුන් විසින් මෙම ඉල්ලීම සිදු කරනු ලැබුවා.
හදිසියේ තම පාසලට පැමිණි සමඟ සුහදශීලි කතාබහක නිරත වීමට ද පාසල් සිසුන්ට සහ ගුරුවරුන්ට අවස්ථාව හිමි වූ අතර, පාසලේ සහ අවට ප්රදේශය තුළ පවතින අඩුපාඩුකම් පිළිබඳව මෙහිදී ජනාධිපතිවරයා ඔවුන්ගෙන් විමසා සිටියා.
එහිදී පාසලේ පවතින සංගීත භාණ්ඩවල හිඟය පිළිබඳ ඔවුන් විසින් ජනාධිපතිවරයා දැනුවත් කර තිබෙනවා.
එම ඉල්ලීම ඉටු කරන බවට පොරොන්දු වූ ජනාධිපති රනිල් වික්රමසිංහ හැකි ඉක්මණින් ඒ පිළිබඳව කටයුතු කරන ලෙස අදාළ නිලධාරීන්ට ඒ අවස්ථාවේදී ම උපදෙස් ලබා දුන්නා.
ඒ, අනුව ඉතා කෙටි කාලයක් තුළ එම පොරොන්දුව ඉටු කරමින් සංගීත භාණ්ඩ රැසක් ප්රදානය කිරීමට සියළු කටයුතු සූදානම් කර ඇති බවයි වාර්තා වන්නේ.
