ත්‍රිකුණාමලය – කණ්ඩලෙයි ප්‍රදේශයේ විවිධ ස්ථානවල ඉදිකර තිබූ බුදුපිළිමවලට හානි කිරීමේ චෝදනාව මත පුද්ගලයෙක් පසුගිය දා (19) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ පේරාරු, කන්දලෙයි ප්‍රදේශයේ පදිංචි 32 හැවිරිදි පුද්ගලයෙක්.
අත්අඩංගුවට ගත් සැකකරු කණ්ඩලෙයි අධිකරණයට ඉදිරිපත් කිරීමට පොලීසිය පියවර ගෙන තිබුණා.
එහිදී මෙම සැකකරු දින 14ක් රක්ෂිත බන්ධනාගාර ගත කිරීමටයි අධිකරණය නියෝග කර ඇත්තේ.
මෙම පුද්ගලයා විසින් බුදුපිළිමවලට හානි සිදුකරන අකාරය වීඩියෝ ගතකර එම වීඩියෝ දර්ශන ටික්ටොක් සමාජ මාධ්‍ය වෙත මුදාහැර ඇති බවට ද තොරතුරු වාර්තා වනවා.
