මල්ලවපොර ක්‍රීඩකයෙකු තම ප්‍රතිවාදියාට පහර දෙන ආකාරයට තම බිරිඳට පහරදුන් පුද්ගලයෙක් මොරටුව පොලිසිය විසින් ඊයේ (22) අත්අඩංගුවට ගෙන තිබෙනවා.
ගෘහස්ථ ප්‍රචණ්ඩත්වය සම්බන්ධයෙන් සැකකාර 34 හැවිරිදි සැමියා මෙලෙස අත්අඩංගුවට ගත් බවයි පොලිසිය පැවසුවේ.
සැමියා බීමතින් නිවසට පැමිණ මල්ලවපොර ක්‍රීඩකයෙකු මෙන් තමන්ට පහර දුන් බවට බිරිඳගෙන් ලද පැමිණිල්ලකට අනුවයි සැකකරු අත්අඩංගුවට ගෙන ඇත්තේ.
සැමියා හදිසියේම ඇඳට පැන බිරිඳගේ බඩ, පපුව සහ මුහුණ ප්‍රදේශයට මෙලෙස පහර දී ඇති අතර, කිසියම් මොහොතක හෝ තමන් මරා දමනු ඇතැයි බියෙන් කාන්තාව විසින් මෙම පැමිණිල්ල සිදුකර තිබෙනවා.
මෙම යුවළට දරුවන් දෙදෙනකු ද සිටින අතර, සැකකරු මොරටුව මහේස්ත්‍රාත් අධිකරණයට ඉදිරිපත් කිරීමට නියමිතව තිබුණා.
