නොච්චියාගම, වල්පලගම ප්රදේශයේ නිවසක පවුල් ආරවුල සිදුවන බවට ඊයේ (07) රාත්රියේ නොච්චියාගම පොලිසියට තොරතුරක් ලැබී තිබෙනවා.
එම තොරතුර මත එහි ගිය පොලිස් නිලධාරීන් නිවස තුළ පුද්ගලයෙකු සිහිසුන්ව වැටී සිටිය දී සොයාගෙන ඇති අතර, පසුව ඔහුව රෝහල් ගත කිරීමට කටයුතු කර තිබෙනවා.
රෝහල් ගත කළ එම පුද්ගලයා වෛද්යවරුන් විසින් පරීක්ෂා කිරීමෙන් පසුව ඔහු මියගොස් ඇති බවයි පවසා ඇත්තේ.
38 හැවිරිදි මෙම පුද්ගලයා බීමතින් පැමිණ බිරිඳ සමඟ ආරවුල් ඇතිකර ගන්නා අයෙක්වන අතර, එම අවස්ථාවන් වල අසල්වාසීන්ට ද බැණ වදින අයෙක් බවයි අනාවරණය වී ඇත්තේ.
එලෙස කෑගැසීම වැළක්වීම සඳහා බිරිඳ විසින් රෙදි කැබැල්ලකින් ඔහුගේ මුඛය වැසීමට යාමේ දී එම පුද්ගලයා සිහිසුන්ව ඇති බවයි පොලිසිය පවසන්නේ.
මියගිය පුද්ගලයාගේ මෘත ශරීරය නොච්චියාගම රෝහලේ මෘත ශරීරාගාරයේ තැන්පත් කර ඇති අතර, සිද්ධිය සම්බන්ධයෙන් ඔහුගේ 42 හැවිරිදි බිරිඳ අත්අඩංගුවට ගෙන තිබෙනවා.
