මෙරටට භාණ්ඩ ආනයනය කරන මුවාවෙන් නීති විරෝධී අයුරින් බිලියන 24.85 ක මුදලක් විදේශ රටවලට ප්‍රේෂණය කළ බව කියන සිද්ධියකට අදාළව මූල්‍ය අපරාධ විමර්ශන කොට්ඨාසය විසින් අත්අඩංගුවට ගත් සැකකරුවෙකු කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන මස 10දා දක්වා රක්ෂිත බන්ධනාගාර කිරීමට මහේස්ත්‍රාත්වරයා නියෝග කළා.
සැකකරුව අධිකරණය හමුවට ඉදිරිපත් කළ අවස්ථාවේදී කොළඹ ප්‍රධාන මහේස්ත්‍රාත් අසංග එස්. බෝදරගම මහතා විසින් මෙසේ නියෝග කරනු ලැබුවා.
සමාගම් 05 ක් හරහා අවස්ථා 2844 කදී මෙම මුදල් විදේශ රටවලට ප්‍රේෂ්ණය කර ඇති බව විමර්ශන වලදී අනාවරණය වූ බවද පැමිණිල්ල සදහන් කළා .
