ඉන්දියාවේ මහාරාෂ්ට්ර ප්රාන්තයේ භිවන්ඩි නගරයේ වගුරු බිමකින් කාන්තාවකගේ කපා දැමූ හිසක් පසුගිය දා හමු වී ඇති බව විදෙස් මාධ්ය වාර්තා කරන අතර, ඇයගේ සැමියා ඒ සම්බන්ධයෙන් අත්අඩංගුවට ගෙන ඇති බවයි පැවසෙන්නේ.
සිද්ධිය සම්බන්ධයෙන් පුළුල් විමර්ශනයක් සිදුවෙමින් පවතින අතර, සිදු කළ මූලික පරීක්ෂණ වලදී අනාවරණය වී ඇත්තේ කාන්තාවගේ සැමියා විසින් ඇයව ඝාතනය කර ඇගේ සිරුර කොටස් කිහිපයකට කපා ඇති බවයි.
ඔවුන් දෙදෙනා අතර නිරන්තරයෙන් පවුල් ආරවුල් ඇතිවන බවත්, එවැනි ආරවුලක් මත සැකකරු විසින් බිරිඳව ඝාතනය කර ඇති බවයි වාර්තාවන්නේ.
ඝාතනයට ලක් වූ කාන්තාව වයස අවුරුදු 25 ත් 28 ත් අතර වයස් සිමාවේ පසුවන බවට සැකකරනු ලබනවා.
පොලිස් සුනඛ කණ්ඩායම් යොදවා ඉතිරි ශරීර කොටස් සොයා ගැනීමට උත්සාහ කරමින් සිටින බව පොලිසිය පවසා තිබෙනවා.
