යාපනය අච්චුවේලි ප්රදේශයේ නිවසක ඊයේ (26) රාත්රියේ කාන්තාවක් පිළිසුම් තුවාල සහිතව රෝහල්ගත කොට ඇතැයි අච්චුවේලි පොලීසිය පවසනවා.
අදාළ නිවසේ කාමරයක් තුළ ගිනිගන්නා තමා බේරාගන්නා ලෙස කෑ ගසමින් සිටි කාන්තාවක අසල්වාසීන් විසින් බේරාගෙන අච්චුවේලි මූලික රෝහලට ඇතුළත් කර ඇති බවයි අප ප්රාදේශීය වාර්තාකරු පැවසුවේ.
බරපතළ පිළිස්සුම් තුවාල සහිතව වැටී සිටි එම කාන්තාව වැඩිදුර ප්රතිකාර සඳහා යාපනය ශික්ෂණ රෝහලට ඇතුළත් කෙරුණා.
කාන්තාව ජීවත් වූ නිවසේ ඇය සහ සැමියා අතර නිතර පවුල් ආරවුල් සිදුවන බවට අසල්වාසීන් විසින් පොලීසියට පවසා ඇති අතර මෙම කාන්තාවට ගිනිතබා සැමියා පලා යන්නට ඇතැයි පොලීසිය සැක පළ කරනවා.
මෙලෙස පිළිස්සුම් තුවාල ලබා ඇත්තේ අච්චුවේලි ප්රදේශයේ පදිංචි බාලක්රිෂ්ණන් නිරුතිකා නමැති වයස අවුරුදු 27ක් වන කාන්තාවක් වන අතර සිද්ධිය සම්බන්ධයෙන් අචුචුවේලි පොලීසිය වැඩිදුර පරික්ෂණ සිදු කරනවා.
