වාලච්චේන පොලිස් වසමේ වාහනේරි ප්රදේශයේ දී පොරවකින් පහරදී පුද්ගලයෙක් ඝාතනය කර තිබෙනවා.
පොලිසිය සඳහන් කළේ ඊයේ (15) පෙරවරුවේ මෙම අපරාධය සිදුව ඇති බවයි.
ඝාතනයට ලක්වූ පුද්ගලයා සහ බිරිඳ අතර ඇති වූ පවුල් ආරවුලක් දුරදිග යාමෙන් එම පුද්ගලයා බිරිඳට තියුණු ආයුධයකින් පහරදීමට උත්සාහ කර තිබෙනවා.
එම අවස්ථාවේ දී බිරිඳ විසින් සැමියාට පොරවකින් පහර දී ඇති අතර, එහිදී එම පුද්ගලයා එම ස්ථානයේම මියගොස් ඇති බවයි පොලිසිය සඳහන් කළේ.
වාලච්චේන පොලිසිය සඳහන් කළේ ඝාතනයට ලක් වූ පුද්ගලයා වයස අවුරුදු 46ක වාලච්චේන, වාහනේරි ප්රදේශයේ පදිංචිකරුවෙක් බවයි.
වයස අවුරුදු 42ක් වන සැකකාරිය අත්අඩංගුවට ගෙන ඇති අතර වාලච්චෙන පොලිසිය වැඩිදුර විමර්ශන සිදු කරනු ලබනවා.
