දිවයිනට බලපා ඇති ආපදා තත්ත්වයත් සමඟ ජලසම්පාදන මණ්ඩලයට අයත් ජල පොම්පාගාර සහ ජල පිරිපහදු මධ්‍යස්ථාන බොහෝ සංඛ්‍යාවක් අක්‍රීය තත්ත්වයට පත්ව ඇති බව ජලසම්පාදන මණ්ඩලයේ සභාපති ඉංජිනේරු චන්දන බණ්ඩාර පවසනවා.
ඉන් විශාලතම හානිය මහනුවර ප්‍රදේශයේ පවතින ජල පොම්පාගාර සහ ජල පවිත්‍රාගාරවලට සිදුව ඇති බවයි සභාපතිවරයා සඳහන් කළේ.
මේ වනවිට ජල සැපයුම නතර වී ඇති මහනුවර ප්‍රදේශයේ සියලුම ස්ථානවලට හෙට (01) දිනය වනවිට යළි ජලය සැපයීමේ හැකියාවක් පවතින බව සඳහන් කළ සභාපතිවරයා මේ වනවිටත් ඒ වෙනුවෙන් කටයුතු සිදුකරමින් පවතින බවයි පැවසුවේ.
මේ අතර බිඳ දිවයිනේ වැටී ඇති ජල සැපයුම් දින දෙකක් පමණ වනවිට යථා තත්ත්වයට පත් කිරීමට හැකිවනු ඇති බවයි මාධ්‍ය වෙත අදහස් දක්වමින් ඔහු වැඩිදුරටත් සඳහන් කර සිටියේ.
මෙහිදී ඔහු විශේෂයෙන් සඳහන් කර සිටියේ කැළණි ගඟ පිටාර ගැලීමත් සමඟ අඹතලේ සහ බියගම ජල පිරිපහදු මධ්‍යස්ථානයවල පැවති අවදානම් තත්ත්වය මේ වනවිට පහව ගොස් ඇති බවයි.
ඒ, අනුව කොළඹ දිස්ත්‍රික්කයේ ජල සැපයුමට අවදානමක් නොමැති බවයි ඔහු සඳහන් කළේ.
