බිත්තරේ උපරිම මිල ඉවත් කිරීම ගැන අවධානය

බිත්තර සඳහා පනවා ඇති උපරිම සිල්ලර මිල ඉවත් කිරීම සම්බන්ධයෙන් අවධානය යොමුව තිබෙනවා.

ඒ, අනුව බිත්තර සඳහා පනවා ඇති උපරිම සිල්ලර මිල ඉවත් කිරීමට පියවර ගතහොත් දින 15ක් ඇතුළත වෙළෙඳපොළ තුළ පවතින බිත්තර හිඟය නැති කිරීමට හැකි බවයි බිත්තර නිෂ්පාදකයින් සඳහන් කරන්නේ.

බිත්තර නිෂ්පාදකයින් සහ කුකුළු කර්මාන්තකරුවන් හා බලධාරීන් අතර, පැවති විශේෂ සාකච්ඡාවක දී මේ පිළිබඳ අවධානය යොමුව ඇති බව සඳහන්.

මේ අතර බිත්තර සඳහා පනවා ඇති උපරිම සිල්ලර මිල ඉවත් කිරීම සම්බන්ධයෙන් යෝජනාවක් අමාත්‍ය මණ්ඩලයට ඉදිරිපත් කිරීමට කෘෂිකර්ම අමාත්‍ය මහින්ද අමරවීරගේ අවධානය යොමුව ඇති බවයි වාර්තා වන්නේ.