බෑණා සහ දියණිය සිදුකළ දිවිත්ව ඝාතන

රත්නපුර පොලිස් වසමේ ඩිපෝ හන්දිය ප්‍රදේශයේ පිහිටි නිවසක් තුළ කාන්තාවක් ඝාතනය කර තිබෙනවා.

ඊයේ (03) අලුයම් කාලයේ මේ සම්බන්ධයෙන් ලැබුණු තොරතුරක් මත විමර්ශන අරඹා ඇති පොලිසියට අනාවරණය කර ගැනීමට හැකිව ඇත්තේ වයස අවුරුදු 74ක කාන්තාවක් මෙලෙස ඝාතනය කර ඇති බවයි.

මෙම කාන්තාවගේ බෑණා විසින් ඇයගේ ගෙළ සිරකර ඝාතනය කර ඇති බවයි පොලිසිය පවසන්නේ.

අපරාධය සම්බන්ධයෙන් වරස අවුරුදු 29ක සැකකරු පොලිසිය විසින් අත්අඩංගුවට ගෙන තිබෙනවා.

රත්නපුර පොලිසිය සිද්ධිය සම්බන්ධයෙන් විමර්ශන සිදුකරනු ලබනවා.

මේ අතර දියණිය විසින් සිය මවගේ ගෙළ සිරකර ඝාතනය කළ පුවතක් වාරියපොළ පොලිස් වසමේ රන්දෙනිය ප්‍රදේශයෙන් ඊයේ (03) වාර්තා වුණා.

මෙලෙස ඝාතනය ලක්ව ඇත්තේ වයස අවුරුදු 74ක රන්දෙනිය ප්‍රදේශයේ පදිංචිව සිටි තැනැත්තියක්.

ඝාතනය සම්බන්ධයෙන් වයස අවුරුදු 32ක මන්ද මානසික තත්ත්වයෙන් පෙළෙනා දියණිය සැකපිට අත්අඩංගුවට ගත බවයි පොලිසිය සඳහන් කළේ.

සිද්ධිය සම්බන්ධයෙන් වාරියපොළ පොලිසිය වැඩිදුර විමර්ශන සිදුකරනු ලබනවා.