ඉන්දියාවේ බැංගලෝර් හි ජනප්රිය ආපනශාලාවක ඊයේ (01) දහවල් පිපිරීමක් සිදුව තිබෙනවා.
මෙම පිපිරීමෙන් පුද්ගලයින් නවදෙනෙක් තුවාල ලබා ඇති බවයි වාර්තා වුණේ.
ඉන්දීය මාධ්ය වාර්තාකරන්නේ තුවාල ලැබූවන් බෙංගාලෝර්හි බෘක්ෆීල්ඩ් රෝහලට ප්රතිකාර සඳහා ඇතුළත් කර ඇති බවයි.
රාමේෂ්වරම් කැෆේ නැමැති ජනප්රිය ආපනශාලාව තුළ සිදු වූ පිපිරීමෙන් තුවාල ලැබූවන්ගේ තත්ත්වය බරපතළ නොවන බවයි රෝහල් ආරංචි මාර්ග සඳහන් කළේ.
මෙම පිපිරීම සම්බන්ධයෙන් විමර්ශන සිදුකරන බැංගලෝර් පොලිසිය සඳහන් කළේ මෙය පැහැදිලිවම බෝම්බ පිපිරීමක් බවට පෙනෙන බවයි.
පිපිරීම සිදුවන අවස්ථාවේ දී එතරම් පිරිසක් ආපනශාලාව තුළ නොසිටීම හේතුවෙන් ජීවිතවලට සිදුවන්නට ගිය බරපතළ හානියක් වැලකී ගිය බවයි ඉන්දීය ආරක්ෂක අංශ පැවසුවේ.
ඔබේ ප්රතිචාරය කුමක්ද ?
+1
+1
1
+1
+1
2
+1
+1
+1
