අසභ්‍ය වීඩියෝ දර්ශන පෙන්වා පොලඹවාගෙන වයස අවුරුදු 15ක් වන බාලවයස්කාර පිරිමි දරුවෙකු ව ලිංගික අපයෝජනයට ලක් කළ සැකකරුවන් තිදෙනෙකුව අත්අඩංගුවට ගැනීමට කල්පිටිය පොලිසිය විශේෂ විමර්ශනයක් ආරම්භ කර තිබෙනවා.
සැකකරුවන් අපයෝජනයට ලක් ව ඇති දරුවන්ගේ මිතුරන් බව පොලීසිය සඳහන් කරනවා.
ඔවුන් තිදෙනා අවස්ථා කිහිපයක දී අසභ්‍ය වීඩියෝ දර්ශන පෙන්වා තමන්ව අපයෝජනය කළ බව අතවරයට පත්ව ඇති දරුවා විසින් ආරච්චිකට්ටුව පොලීසියට පැමිණිලි කරමින් සඳහන් කර ඇති බවයි පැවසෙන්නේ.
සිද්ධියට සම්බන්ධ සැකකරුවන් හඳුනාගෙන ඇති නමුත් ඔවුන් ව මෙතෙක් අත්අඩංගුවට ගෙන නැහැ.
අතවරයට ලක් ව ඇති දරුවා වෛද්‍ය පරීක්ෂණයක් සඳහා හලාවත මහා රෝහලේ අධිකරණ වෛද්‍ය නිලධාරීවරයා වෙත යොමු කර තිබෙනවා.
ආරච්චිකට්ටුව පොලීසිය වැඩිදුර විමර්ශන සිදු කරනු ඇති.
