රත්නපුර – ගොඩකවෙල පොලිස් වසමට අයත් හපුගස්තැන්න ගම්මානයේ දෙපිරිසක් අතර ඇති වූ බහින්බස් වීමක් දුරදිග යාම හේතුවෙන් සිදු වූ පහරදීමකින් පුද්ගලයෙකු මියගොස් තිබෙනවා.
අප දසත වාර්තාකරු පැවසුවේ; බහින්බස් වීම සිදුවන අවස්ථාවේදී එක් පුද්ගලයෙකු විසින් තවත් අයෙකුට පහරදීම සිදු කර ඇති බවත්; පහරදීමෙන් බරපතළ තුවාල ලැබූ එම තැනැත්තා ගොඩකවෙල රෝහලට ඇතුළත් කිරීමෙන් අනතුරුව ජීවිතක්ෂයට පත් ව ඇති බවයි.
මෙලෙස මියගොස් ඇත්තේ දුම්මලතැන්න – සපුගස්තැන්න පදිංචි R.E. ලසිත දේශප්රිය නමැති 36 හැවිරිදි අවිවාහක තැනැත්තෙක්.
ඝාතකයා ව පොලිසිය විසින් අත් අඩංගුවට ගෙන ඇති බවත් වැඩිදුර විමර්ශන ගොඩකවෙල පොලිසිය විසින් මෙහෙයවනු ලබන බව ද අප ප්රාදේශීය වාර්තාකරු සඳහන් කළා.
