අනුරාධපුර පුත්තලම මාර්ගයේ තබ්බෝව වැව ආසන්නයේදී බස් රථ 3ක් එකිනෙක ගැටීමෙන් අනතුරක් සිදුවී තිබෙනවා.
අද දහවල් මෙලෙස ගැටී ඇත්තේ අනුරාධපුර සිට පුත්තලම දක්වා ධාවනය වෙමින් තිබූ පෞද්ගලික සහ ලංගම බස් රථයක් හා කොළඹ සිට ශ්‍රී පුර දක්වා ධාවනය වෙමින් තිබූ පෞද්ගලික බස් රථයක් බවයි අප වාර්තාකරු සඳහන් කළේ.
මෙම අනතුරින් දෙදෙනෙකු තුවාල ලබා පුත්තලම මූලික රෝහලට ඇතුලත් කර තිබෙනවා.
කොළඹ සිට ශ්‍රී පුර දක්වා ධාවනය වෙමින් තිබූ පෞද්ගලික බස් රථය මාර්ග බලපත්‍රය ලබාගෙන පළමු වරට මගී ධාවනයට එක්කර ඇත්තේ අද දිනයේ බවටයි අනාවරණ වී ඇත්තේ.
