ලංගම බස් රථයක් සහ පෞද්ගලික බස් රථයක් ගැටීමෙන් අද (03) උදෑසන අනතුරක් සිදුව තිබෙනවා.
මෙම අනතුරින් පුද්ගලයන් 20 දෙනෙකු පමණ තුවාල ලබා කෑගල්ල ශික්ෂණ රෝහල වෙත ඇතුළත් කර ඇති බවයි වාර්තා වුණේ.
රඹුක්කන සිට මහනුවර බලා ධාවනය වූ ලංගම බස් රථයක් සහ දිගන සිට කොළඹ බලා ධාවනය වූ පෞද්ගලික බස් රථයක් කෑගල්ල, කරඬුපන හන්දියේදී එකිනෙක ගැටී මෙම අනතුර සිදුව තිබෙනවා.
අනතුර සම්බන්ධයෙන් කෑගල්ල පොලීසිය වැඩිදුර විමර්ශන සිදුකරනු ලබනවා.
