දඹුල්ල හබරණ ප්රධාන මාර්ගයේ දිගම්පතහා ප්රදේශයේ 53වන යුද හමුදා කඳවුර ආසන්නයේ දී ලංගම බස් රථයක් සහ යකඩ ප්රවාහනය කළ ලොරි රථයක් මුහුණට මුහුණ ගැටීමෙන්මෙන් අනතුරක් සිදුව තිබේ.
අද (09) අලුයම සිදුවූ එම අනතුරෙන් බස් රථයේ ගමන්ගත් මගීන් 07දෙනෙකු තුවාල ලබා දඹුල්ල රෝහලට ඇතුළත්කර තිබූ බව සීගිරිය පොලීසිය පැවසීය.
ත්රිකුණාමලයෙන් කොළඹ බලා පැමිණීමට ගමන් ආරම්භකර තිබු බස් රථයක් එලෙස අනතුරට පත්ව තිබුණි.
බස් රථය වෙනත් රථයක් ඉස්සර කිරීමට යෑමේදී ඉදිරියෙන් පැමිණි ලොරි රථයේ ගැටී ඇත.
භාණ්ඩ බෑම සඳහා ලොරි රථයේ සවිකර තිබූ කොටස අනතුරත් සමග බස් රථයේ වහලය සිදුරු කරගෙන බස්රථය තුළට ගොස් තිබුණි.
බස් රථ රියදුරුගේ නොසැලකිලිමත්කම නිසා එම අනතුර සිදුව ඇතැයි සීගිරිය පොලීසිය පවසයි.
තුවාලකරුවන් අතර වයස අවුරුදු 03 දැරියක් ද වන බව රෝහල් ආරංචි මාර්ග පැවසීය.
කිහිපදෙනෙකුගේ තත්ත්වය බරපතළ බවද වාර්තා වේ.
