බස්නාහිර පළාත තුළ බස්රථවල ගමන් ගන්නා මගීන්හට ටිකට්පත් ලබාදීම ඊයේ (01) දින සිට අනිවාර්යකර තිබූ පසුබිමක ඊයේ සිදුකළ පරීක්ෂා කිරීම්වලදී ටිකට් පත් ලබා නොදුන් කොන්දොස්තරවරුන් 22 දෙනෙක් හඳුනාගෙන ඇති බව මාර්ගස්ථ මගී ප්‍රවාහන අධිකාරියේ සභාපති විශ්‍රාමික කමාන්ඩර් ගාමිණී ජාසිංහ පවසනවා.
ඒ අනුව ඔවුන්ට මාර්ගස්ථ මගී ප්‍රවාහන අධිකාරිය මඟින් දඩ මුදල් පැනවීම සහ ඊට අදාළ ක්‍රියාමාර්ග ගත බවයි ඔහු වැඩිදුරටත් පවසා සිටියේ.
ඒ අනුව බස්නාහිර පළාත තුළ බස් රථ 347ක් සම්බන්ධයෙන් සිදුකළ පරීක්ෂාවට අනුව මෙම ක්රියමර්හය ගත බවයි වාර්තාවන්නේ.
බොහෝ බස් රථවල ලබාදෙන ප්‍රවේශ පත්‍රය එම බස් රථයට අදාළ නොවන බස් ටිකට් පත් බව හඳුනාගෙන ඇති බවද සභාපතිවරයා පවසනවා.
ටිකට් පත ලබා ගැනීමෙන් පසු එම ටිකට් පතේ සඳහන් අංකය සහ බස් රථයේ අංකය නිවැරදි දැයි පරීක්ෂාකර බලන ලෙස ඔහු මගී ජනතාවගෙන් ඉල්ලා සිටිනවා.
එමෙන්ම ටිකට් පන ලබා නොදෙන්නේ නම් 070 28 60 860 යන දුරකථන අංකය ඔස්සේ දැනුම් දෙන ලෙස ද මහජනතාවට දන්වා සිටිනවා.
