වාර්ෂික බස් ගාස්තු සංශෝධනයට අනුව අද (06) සිට නව ගාස්තු සංශෝධනය ක්‍රියාත්මක වනවා.
ඒ, අනුව සාමාන්‍ය සේවා බස් රථවල කෙටි ගමන් සඳහා බස් ගාස්තුව 12% කින් ඉහළ යනු ඇති.
මෙම බස් ගාස්තු සංශෝධනය, පෞද්ගලික බස් රථ, ශ්‍රී ලංගම බස් රථ, මෙන්ම අධිවේගී මාර්ගයේ ගමන් ගන්නා බස්රථවලට අදාළ වන බව ජාතික ගමනා ගමන කොමිෂන් සභාව සඳහන් කළේ.
මෙම බස් ගාස්තු සංශෝධනයට අනුව මෙතෙක් රුපියල් 30ක්ව පැවති අවම බස් ගාස්තුව රුපියල් 34ක් දක්වා ඉහළ ගොස් තිබෙනවා.
නව බස් ගාස්තු සංශෝධනය පිළිබඳව බස් රථ සේවකයින් දැනුවත් කර, ප්‍රවේශපත්‍ර යන්ත්‍ර යාවත්කාලීන කර ගැනීමට ද උපදෙස් ලබාදී ඇති බවයි ජාතික ගමනාගමන කොමිෂන් සභාව වැඩිදුරටත් පැවසුවේ.
ඒ, අනුව අද (06) සිට දිවයින පුරා පරීක්ෂා කිරීමේ කටයුතු සිදුකිරීමට නියමිත බව ද එම කොමිෂන් සභාව සඳහන් කළා.
