කොල්ලුපිටිය ලිබර්ටි වටරවුමේ දී ලංගම බස් රථයක් මතට ගසක් කඩාවැටීමෙන් සිදුවූ අනතුරින් බස් රථයේ ගමන් ගත් මගීන් 05 දෙනෙකු මියගොස් ඇති බව වාර්තා වනවා.
මේ අතර මෙම අනතුරෙන් පසු කොල්ලුපිටිය – ඩුප්ලිකේෂන් මාර්ගය තාවකාලිකව වසා දැමූ බව පොලිසිය පවසනවා.
බස් රථය මතට කඩා වැටුණු ගස එම ස්ථානයෙන් ඉවත් කරන තෙක් මාර්ගය මෙලෙස වසා දැමූ බවයි පොලිසිය වැඩිදුරටත් සඳහන් කළේ.
කොළඹ සිට දෙණියාය බලා ධාවනය වූ මතුගම ඩිපෝවට අයත් බස් රථයක් මතට අද (06) උදෑසන කොල්ලුපිටිය ලිබර්ටි හන්දිය අසල දී ගසක් කඩා වැටී මෙම අනතුර සිදුව තිබුණා.
අනතුරින් පසු පුද්ගලයින් 17 දෙනෙකු තුවාල ලබා කොළඹ ජාතික රෝහලට ඇතුළත් කෙරුණා.
එලෙස ඇතුළත් කළ පුද්ගලයින්ගෙන් පස්දෙනෙක් මෙලෙස මියගොස් ඇති බවයි කොළඹ ජාතික රෝහල සඳහන් කළේ.
