පක්ෂ රැස්වීම තුළ දී කතා කර එළියට පැමිණ තව එකක් ප්‍රකාශ කිරීම පොදු ජන පෙරමුණ ලෙස එය ඉවසා සිටීමට නොහැකි බව අමාත්‍ය රෝහිත අබේගුණවර්ධන මහතා ප්‍රකාශ කරනවා.
පොදුජන පෙරමුණු ආණ්ඩුවේ ප්‍රධාන පක්ෂය බවත් බල්ලා විසින් නැට්ට වනනු මිස නැට්ට විසින් බල්ලා වනන්නේ නැති බවද ඇමතිවරයා පැවසීය..
මේ ඔහු දැක්වූ අදහස්…
ආණ්ඩුවේ ඇතුලේ ඉදන් ගැලරියට ගහන්න ලේසියි.. මේක අලුත්ම න්‍යාය පත්‍රයක්.. ගැලරියට ගහන්නේ මොකටද..?
ඒ තමන්ගේ පෞද්ගලික ඡන්ද මල්ල වැඩි කරගන්න.
සමහරුන්ට ඕන කරන්නේ මැච් එක පැරදුනාට කමක් නෑ. මම ශතකයක් ගහන්න ඕනේ කියලා.
ශතකය ගහලා වැඩක් නෑ මැච් එක පැරදුනාට පස්සේ.. ප්‍රශ්න තියෙනවානම් කැබිනට් මණ්ඩලයේ සාකච්ඡා කරගමු.
පක්ෂ රැස්වීමෙදි එකක් කතා කරලා එළියට ගිහින් තව දෙයක් කියනවා. ඒක අපිට ඉවසන් ඉන්න බැරිවෙනවා ශ්‍රී ලංකා පොදුජන පෙරමුණ හැටියට. මොකද අපි තමයි ප්‍රධාන මව් පක්ෂය. අපේ පක්ෂය එහෙම යට වෙන්න කැමති වෙන්නේ නෑ. බල්ලා තමයි නැට්ට වනන්නේ. නැට්ටෙන් බල්ලෙක් වනලා නෑනේ කොහොවත්.
