බලශක්ති අමාත්ය ඉංජිනේරු කුමාර ජයකොඩි සහ ශ්රී ලංකාවේ ඕමාන තානාපති අහමඩ් අලි සයීද් අල් රාශිඩ් අතර හමුවක් බලශක්ති අමාත්යංශයේදී අද (14) පස්වරුවේ පැවැත් වුණා.
මෙහිදී දෙරට අතර බලශක්ති ක්ෂේත්රයේ ද්විපාර්ශවික සබදතා තර කරගැනීම පිළිබදව අවධානය යොමුකරමින් කලාපයේ බලශක්ති අවශ්යතා සපුරාලීම සහ ක්ෂේත්රයේ නව ප්රවණතා මෙන්ම ගෝලීය අර්බුද අවස්ථාවන්වල එක්ව කටයුතු කරමින් ඒවා සදාගැනීමට ගතහැකි ක්රියාමාර්ග ගැනද සාකච්ඡා කෙරුණා.
මෙහිදි කරුණු දැක්වූ බලශක්ති අමාත්ය ඉංජිනේරු කුමාර ජයකොඩි, සමීප මිත්ර රටක් ලෙස ඕමානය සමඟ සම්බන්ධතා ඉතා ඉහළින් අගය කරන බවත් මෙරට තුළ ඇති විවිධ ආයෝජන අවස්ථා සැළකිල්ලට ගෙන විශේෂයෙන්ම බලශක්ති ක්ෂේත්රයේ ආයෝජනය සදහා එක්වන ලෙස ඕමාන රජයට සහ පුද්ගලික අංශයේ ආයෝජකයින්ට ආරාධනා කරන බවත් පැවසුවා.
ශ්රී ලංකාව තුළ උදාවී ඇති යහපත් වාතාවරණය පිළිබදව තමන් දැනුවත් බවත් බලශක්ති ක්ෂේත්රයේ ආයෝජන පිළිබදව අවධානය යොමුකරමින් තම රජයට හා පෞද්ගලික අංශයට ඒ පිළිබදව දැනුවත් කිරීම් කිරීමට පියවර ගන්නා බවත් දෙරට අතර සබදතාව තවදුරටත් වර්ධනය කරගැනීමට ඕමානයේ ද අපේක්ෂාව වන බවත් මෙහිදී අදහස් දැක්වූ ඕමාන තානාපති අහමඩ් අලි සයීද් අල් රාශිඩ් ද පවසා සිටියා.
