බලපත්ර රහිත ව කාන්තා හා ළමා නිවාසයක් පවත්වාගෙන ගිය ස්ථානයක් මුද්රා තබා තිබෙනවා.
මෙම සිදුවීම සිදු ව ඇත්තේ යාපනය – තෙල්ලිපලෛ ප්රදේශයේ බවයි වාර්තා වන්නේ.
උතුරු පළාත් ආණ්ඩුකාර පී.එස්.එම් චාර්ල් මහත්මිය විසින් උතුරු පළාත් පරිවාස හා ළමාආරක්ෂක දෙපාර්තමේන්තුවේ කොමසාරිස්වරයාට මෙම නීත්යානුකූල බවින් තොර කාන්තා හා ළමා නිවාසය පිළිබඳ ව දැනුම් දී ඇති බවත් ඉන් අනතුරුව එය පරීක්ෂා කිරීමෙන් අනතුරුව මෙලෙස මුද්රා තැබීමට පියවර ගෙන ඇති බවත් සඳහන්.
උතුරු පළාත් ආණ්ඩුකාර කාර්යාලය විසින් පවත්වාගෙන යනු ලබන ‘අභයම්’ නමැති මහජන පැමිණිලි මධ්යස්ථානය වෙත මෙම කාන්තා සහ ළමා නිවාස දෙක සම්බන්ධයෙන් ලැබුණු පැමිණිලි මත සිදුකළ දීර්ඝ විමර්ශනයකට අනුව කාන්තා නිවාසය සහ ළමා නිවාසය මුද්රා තැබීමට දැනුම් දුන් බවයි උතුරු පළාත් ආණ්ඩුකාර කාර්යාලය පවසන්නේ.
කාන්තා නිවාසය අවිධිමත් ව පවත්වාගෙන යාම සහ ලියාපදිංචි නොකළ ළමා නිවාසයක අනිසි ලෙස CCTV කැමරා සවිකිරීම පිළිබඳ ව ‘අභයම්’ ඒකකයට ලද පැමිණිලි සම්බන්ධයෙන් තෙල්ලිපලෙයි ප්රාදේශීය ලේකම්වරයා ඇතුළු පිරිසක් විසින් මේ සම්බන්ධ ව විමර්ශනයක් සිදුකර තිබුණා.
එම ළමා නිවාසයේ භාරකරුවන් විසින් බාලවයස්කාර දරුවන්ගේ දර්ශන අනිසි ලෙස CCTV කැමරා ඔස්සේ නිරන්තරයෙක් පටිගත කර ඇති බවත් මෙහිදී අනාවරණය වී තිබෙනවා.
