ලෝක පා පැදි දිනය අදට යෙදී තිබෙනවා.
පළමු වරට පාපැදි දිනයක් සමරනු ලැබුවේ 2018 වසරේදියි.
ඒ අනුව එක්සත් ජාතීන්ගේ මහා මණ්ඩලය විසින් සෑම වසරකම ජුනි මස 03 වනදා ලෝක පා පැදි දිනය ලෙස නම් කළ අතර පසුව එම අදහස බොහෝ රටවලට ව්‍යාප්ත වී ගියා.
ලෝක පාපැදි දිනය සඳහා වන යෝජනාව ඈත අතීතයේ සිටම භාවිතයේ පවතින බයිසිකලයේ සුවිශේෂත්වය, කල්පැවැත්ම හා බහුකාර්යතාව, සරල බව, දැරිය හැකි, විශ්වාසදායක, පිරිසිදු හා පරිසරයට ගැලපෙන තිරසාර ප්‍රවාහන මාධ්‍යයක් යන කරුණු මත පදනම්ව බිහිවූවක් බවයි සැලකෙන්නේ.
මහාචාර්ය ලෙස්සෙක් සිබිල්ස්කි මෙම දිනයේ නිර්මාතෘවරයා වන අතර ඔහු පෝලන්ත ජාතික පාපැදි කණ්ඩායමේ හිටපු සාමාජිකයෙකු මෙන්ම ක්‍රීඩා වාර්තාකරුවෙකු ද වනවා.
ලෝක පාපැදි දිනය යනු සියලුම මිනිසුන් විසින් භුක්ති විඳිය යුතු විශේෂ දිනයක් වන අතර මානව ප්‍රගතිය සහ දියුණුව සංකේතයක් ලෙස බයිසිකලය ඉවසීම, අන්‍යෝන්‍ය අවබෝධය සහ ගෞරවය සහ සමාජ ඇතුළත් කිරීම් සහ සාමයේ සංස්කෘතියක් ඇති කරනු ලබනවා.
ලෝක මට්ටමේ ආර්ථික අර්බුදයකින් වෙලී සිටින කාල වකවානුවක ගමනා ගමනයේ පහසුව සඳහාත් තිරසාර සංවර්ධනය උදෙසාත් යහපත් සෞඛ්‍ය සඳහාත් පාපැදි භාවිතයට ගැනීම යළි යළිත් සිතා බැලිය යුතු කාරණාවක් වනවා.
