මස්කෙළිය බ්රවුස්වික් වතුයායේ, කෝවිලක පූජාවකට එක්ව සිටි පිරිසකට එල්ල වූ බඹර ප්රහාරයකින් අවුරුදු 08ක් වයස ඇති දරුවෙකු ඇතුළු අට දෙනකු තුවාල ලබා ප්රථිකාර සඳහා මස්කෙළිය ප්රාදේශීය රෝහලට ඇතුලත් කර තිබෙනවා.
ඊයේ (17) දින සවස මෙම පිරිස එම හිංදු කෝවිලේ පූජාවකට එක්ව සිටින අවස්ථාවේ දී කෝවිල අසළ තිබූ බඹර කුඩුවක් හදිසියේ ඇවිස්සීමෙන් එහි සිටි බඹරුන් මෙම පිරිසට පහර දීමත් සමග මෙම පිරිස තුවාල ලබා තිබුණා.
මෙම තුවාලකරුවන්ගේ තත්වයන් බරපතල නොවන අතර ඔවුන් එම රෝහලේ නේවාසිකව ප්රථිකාර ලබන බව අප වාර්තාකරු සඳහන් කළා.
