බඩල්ගම ප්රදේශයේ, මහනායක මුදලිගේ නමින් පවත්වාගෙන යනු ලබන විදේශ රැකියා ඒජන්සියක් හරහා විදෙස් රැකියා ලබා දෙන බවට පවසා රුපියල් කෝටි ගණනක මුල්ය වංචාවක් සිදු කළ බවට චෝදනා කරමින් පුද්ගලයින් පිරිසක් කොළඹ, ජනාධිපති ලේකම් කාර්යාලය ඉදිරිපිට මේ වන විට විරෝධතාවයක නිරත වනවා.
විරෝධතාවයේ නියතු පිරිස සඳහන් කරන්නේ, අවස්ථා කිහිපයක දී මේ සම්බන්ධයෙන් බඩල්ගමුව පොලිසිය වෙත පැමිණිලි ඉදිරිපත් කළ ද ඒ සම්බන්ධයෙන් නිසි ක්රියාමාර්ග ගෙන නොමැති බවයි.
කෙසේ වෙතත් අප මේ සම්බන්ධයෙන් බඩල්ගම පොලිස් ස්ථානාධිපතිවරයාගෙන් සිදු කරනු ලැබූ විමසීමකදී, ඔහු සඳහන් කළේ, මෙම සිද්ධිය සම්බන්ධයෙන් පැමිණිලි විශාල ප්රමාණයක් පොලිසිය ලැබී ඇති අතර, ඒ පිළිබද ඉදිරි විමර්ශන කටයුතු සඳහා එම පැමිණිලි විදෙස් සේවා නියුක්ති සේවා කාර්යාංශය වෙත යොමු කර ඇති බවයි.
මෙම විදේශ රැකියා ඒජන්සිය ලියාපදිංචි වී ඇති මහනායක මුදලිගේ නම් සැකකරු මේ වන විට සැඟව සිටින බවත්, ඔහු අත්අඩංගුවට ගැනීම සඳහා විමර්ශන ක්රියාත්මක කරන බවත්, බඩල්ගම පොලිස් ස්ථානාධිපතිවරයා වැඩිදුරටත් සඳහන් කළා.
