එංගලන්ත කාන්තා වයස අවුරුදු 19 පහළ කණ්ඩායම සහ ශ්රී ලංකා කාන්තා වයස අවුරුදු 19 පහළ කණ්ඩායම අතර අද (09) පැවති තුන්වන එක්දින තරගය ජයගන්නට ශ්රී ලංකා ක්රීඩිකාවන්ට හැකියාව ලැබුණා.
ගාල්ල ජාත්යන්තර ක්රිකට් ක්රීඩාංගණයේ දී පැවති මෙම තරගය ශ්රී ලංකා ක්රීඩිකාවන් ජයගත්තේ ලකුණු 108කින්.
තරගයේ පළමුව පන්දුවට පහරදුන් ශ්රී ලංකා කාන්තා වයස අවුරුදු 19 පහළ කණ්ඩායම පන්දුවාර 48යි පන්දු 04ක් තුළ සියල්ලන් දැවී ලකුණු 226ක් රැස් කළා.
අනතුරුව ලකුණු 227ක ඉලක්කය හඹා ගිය එංගලන්ත ක්රීඩිකාවන්ට පන්දුවාර 23යි පන්දු 03ක් තුළ සියල්ලන් දැවී රැස්කරගත හැකි වූයේ ලකුණු 118ක් පමණයි.
ඒ, අනුව මෙම තරගයෙන් ශ්රී ලංකා කාන්තා වයස අවුරුදු 19 පහළ කණ්ඩායමට ලකුණු 108ක දැවැන්ත ජයක් හිමි වුණා.
මෙහිදී තවමත් 14 හැවිරිදි වියේ පසුවන ශ්රී ලංකා ක්රීඩිකා චමෝදි මුණසිංහ එංගලන්ත පිළිතුරු ඉනිමට පන්දුවෙන් දැවැන්ත අභියෝගයක් එල්ල කිරීමට සමත් වුණා.
මෙම තරගයේ දී චමෝදි පන්දුවාර 09යි පන්දු 03ක් යවා කඩුලු 05ක් බිඳ දමමින් එංගලන්ත ක්රීඩිකාවන්ගෙන් ජයග්රහණය උදුරා ගත්තා.
එංගලන්තය, ඕස්ට්රේලියාව සහ ශ්රී ලංකාව අතර පැවැත්වෙන මෙම තුන්කොන් තරගාවලියේ දී දැක්වූ දක්ෂතා හේතුවෙන් චමෝදි මුණසිංහ මේ වනවිට කතාබහට ලක්වන චරිතයක් වී තිබෙනවා.