වයස අවුරුදු 19 න් පහළ බංගලදේශ ජාතික බාලිකා ක්‍රිකට් කණ්ඩායම දිවයිනට පැමිණියා.
අද (02) පස්වරුවේ ඔවුන් මෙරට දී පැවැත්වෙන පන්දුවාර 20 ක්‍රිකට් තරග සංචාරයක් සඳහායි දිවයිනට පැමිණියේ.
බංග්ලාදේශ යොවුන් ක්‍රීඩිකාවන් හෙට (03) සහ ජනවාරි 05 වැනි දින කොළඹ තර්ස්ටන් විද්‍යාලයීය ක්‍රීඩාංගණයේ පැවැත්වෙන තරග දෙකක් සඳහා එක්වීමට නියමිතයි.
මීට අමතරව ජනවාරි 07 වැනි දින මංගොඩ සරේ විලේජ් ක්‍රීඩා පිටියේ දී සහ 09 වැනි දින කොළඹ බී.ආර්.සී. පිටියේ දී ද තවත් තරග 02කට සහභාගී වීමට නියමිත ව සිටිනවා.
බංග්ලාදේශ ජාතික බාලිකා ක්‍රිකට් කණ්ඩායම අද පස්වරු 04.20ට ශ්‍රී ලන්කන් ගුවන් සේවයේ යූ.එල්.- 190 දරන ගුවන් යානයෙන් කටුනායක ගුවන් තොටුපොළ වෙත පැමිණි අතර ඔවුන් පිළිගැනීම සඳහා ශ්‍රී ලංකා ක්‍රිකට් ආයතනයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.
