බංග්ලාදේශයේ පැතිර යන ප්රචණ්ඩත්වය අවසන් කිරීමට සියලු දෙනා එක්ව කටයුතු කළ යුතු බව බ්රිතාන්ය විදේශ ලේකම් ඩේවිඩ් ලැමි පවසනවා.
තව ද, බංග්ලාදේශයේ මෑත කාලීන සිදුවීම් සම්බන්ධයෙන් එක්සත් ජාතීන්ගේ ප්රධානත්වයෙන් පූර්ණ හා ස්වාධීන පරීක්ෂණයක් පවත්වන ලෙස ද ඔහු ඉල්ලා සිටියා.
“පසුගිය සති කිහිපයේ සිදුවීම් පිළිබඳ ව එක්සත් ජාතීන්ගේ මූලිකත්වයෙන් යුත් පූර්ණ සහ ස්වාධීන පරීක්ෂණයක් බංගලාදේශයේ ජනතාවට අවශ්ය වනු ඇති’’ බව එක්සත් රාජධානියේ විදේශ ලේකම් ඩේවිඩ් ලැමි පැවසුවා.
“ප්රචණ්ඩත්වය අවසන් කිරීමටත්, සන්සුන් වීමටත්, තත්වය උත්සන්න කිරීම වැළැක්වීමටත්, තවදුරටත් ජීවිත හානි වළක්වා ගැනීමටත් දැන් සියලු පාර්ශ්ව එකට වැඩ කළ යුතුයි,” ඔහු වැඩිදුරටත් පැවසූ බවයි විදෙස් මාධ්ය වාර්තා කරන්නේ.
ඔහු බංග්ලාදේශය සාමකාමී සහ ප්රජාතන්ත්රවාදී අනාගතයක් කරා සංක්රමණය වීම දැකීමට එක්සත් රාජධානියේ අභිලාෂය ප්රකාශ කළ අතර පොදු රාජ්ය මණ්ඩලීය වටිනාකම් සහ සැලකිය යුතු පුද්ගලයන් අතර සබඳතා තුළින් පෝෂණය වූ ජාතීන් දෙක අතර ශක්තිමත් බැඳීම් අවධාරණය කළා.
