පෞද්ගලික බස් හිමියන්ගෙන් අනතුරු ඇඟවීමක්

ඉන්ධන නොමැතිකම හේතුවෙන් මෙම සතිය තුළ පෞද්ගලික බස් ධාවනය ඇනහිටිය හැකි බව පෞද්ගලික බස් හිමියන් අනතුරු අඟවනවා.

එම සංගමය පවසන්නේ අද (04) දිනය තුළ දිවයින පුරා ධාවනය වන්නේ පුද්ගලික බස්රථ 1000කට අඩු ප්‍රමාණයක් බවයි.

කෙසේ වෙතත් තම බස් රථ පූර්ණ ධාරිතාවයෙන් ධාවනය වන බව ලංකා ගමන ගමන මණ්ඩලය දන්වා සිටිනවා.

ඉන්ධන අර්බුදය හමුවේ මේ වන විට පෞද්ගලික මගී ප්‍රවාහන බස් රථවලට ලංගම ඩිපෝ හරහා ඉන්ධන නිකුත් කිරීම ද අඩාල වී තිබෙනවා.