නීතිවිරෝධී ලෙස මෙරටට ආනයනය කර කූඨ ලේඛන භාවිතා කරමින් මෝටර් රථ ප්රවාහන දෙපාර්තමේන්තුව මගින් ව්යාජ අංක යටතේ ලියාපදිංචි කර ඇති බවට සැක කරන රුපියල් කෝටි එකහමාරක් පමණ වටිනා සුඛෝපභෝගී ජිප් රථයක් සොයා ගෙන තිබෙනවා.
මෙම වැටලීම පෙරේදා (31) සිදු කර ඇත්තේ වලාන මධ්යම දූෂණ මර්දන ප්රහාරක බලකාය විසින්.
එහිදී විදේශ රටවල යුද හමුදාවේ භාවිතා කර ඇති බවට සැක කරන මෙරටට නීතිවිරෝධීව ආනයනය කළ මෙම ජීප් රිය සොයාගැනීමෙන් පසුව කළ විමර්ශනයේ දී හෙළි ව ඇත්තේ ශ්රී ලංකා පොදුජන පෙරමුණේ හිටපු පළාත් සභා අමාත්යවරයෙකු විසින් මෙය භාවිත කරන ලද බවයි.
ඊට අමතර ව තවත් වාහන 02ක් සම්බන්ධයෙන් කරුණු අනාවරණය වීමෙන් පසුව රුපියල් කෝටි 03ක් වටිනා ලෑන්ඩ් රෝවර් වර්ගයේ ජීප් රථ දෙකක් ද රත්මලාන දුම්රියපොළ ප්රදේශයේ දී සොයා ගැනුණා.
සිද්ධිය සම්බන්ධයෙන් පිංවථ පොලිසිය පරීක්ෂණ කරන අතර පොලිස් භාරයට ගැනුණු ජීප් රථ 03 රාජ්ය ආයතනවලින් ගර්භිත කරන ලද වාහනවල ලියාපදිංචි අංක යටතේ මෙම වාහන ලියාපදිංචි කර ඇති බවයි හෙළි ව ඇත්තේ.
මෙම රථවල හිමිකරු වන ශ්රී ලංකා පොදුජන පෙරමුනේ හිටපු පළාත් සභා ඇමති මීට පෙර ද මෙවැනි වාහනයක් හිටපු කළුතර දිස්ත්රික් අමාත්යවරයෙකු වෙත ලබා දී ඇති බවත් එම රථය ද පොලිසිය මගින් අත් අඩංගුවට ගෙන අධිකරණයේ නඩුවක් විභාග වන බව ද වාර්තා වනවා.
