නිවිතිගල, සිදුරුපිටිය ප්රදේශයේ අක්කර දහයක පුද්ගලික වත්තක් තුළ වතු නිවසක සිටි 68 හැවිරිදි කාන්තාවක් ඝාතනය කර ඇති බව පොලිසිය පවසනවා.
ලාඩප්පා වර්ගයේ ගසක පොලුවලින් පහරදි මෙම කාන්තාව ඝාතනය කර ඇති බවත් ඝාතනය සිදු කළ බවට සැකකරන කාන්තාවගේ ඥාති පුතුන් දෙදෙනෙක් මේ වන විට එම ප්රදේශයෙන් පළා ගොස ඇති බවත් පොලිසිය සඳහන් කළා.
මෙලෙස ඝාතනයට ලක්වූ කාන්තාව බදුරලිය, පැලවත්ත ප්රදේශයේ පදිංචි කාන්තාවක් වන අතර මීට මාස අටකට පමණ පෙර මෙම වතුයායේ සේවයට පැමිණ ඇති බවයි වාර්තා වන්නේ.
සැකකරුවන් දෙදෙනා මෙම පුද්ගලික වතුයායේ සේවයට පැමිණ ඝාතනය කෙරුණු කාන්තාව සහ ඇයගේ සැමියා සිටි වතු ලැයිම් කාමරය ට යාබද ලැයිම් කාමරයේ රැඳි සිට තිබෙනවා.
ඊයේ (14) රාත්රියේ සැකකාර තරුණයින් දෙදෙනා මත්පැන් පානය කර පැමිණ අදාළ කාන්තාව සහ ඇයගේ සැමියා සමඟින් ආරවුලක් ඇතිකර ගෙන ඇති බවයි පැවසෙන්නේ.
පසුව සැකකරුවන් දෙදෙනා එම අඹුසැමි යුවළට ලාඩප්පා පොලුවලින් පහර දී තිබෙනවා.
එම පහර දෙන අවස්ථාවේදී ඝාතනය වු කාන්තාවගේ සැමියා පළාගොස් ඇති අතර පසුව ඔහු අද (15) උදැසන නිවිතිගල පොලිසියට පැමිණ සිද්ධිය පවසා තිබෙනවා.
සිද්ධිය සම්බන්ධයෙන් නිවිතිගල පොලීසය විසින් වැඩිදුර විමර්ශන සිදුකරනු ලබනවා.
